Әл-Фарабидегі жол апаты: Марқұм жүргізушінің әкесі сотта не айтты

Бүгін сотта жол апатынан мерт болған Mercedes жүргізушісі марқұм Еламан Тілемесовтің әкесі Қанат Тілемесов жәбірленуші ретінде жауап берді.

Ол Пакқа қатысты ешқандай талап-арызы жоқ екенін айтып, кешіргенін жеткізді.

«Біз кешірім бердік. Заңда қалай көзделсе, солай болсын», – деді Тілемесов.

Ал сотталушы Александр Пак сот залына келмей, процеске онлайн қосылды.

Осы жолы сотта Александр Пакпен бірге апат алдында мейрамханада болған полиция қызметкері Әсет Жақсылықовтан жауап алыну керек еді.

Алайда онлайн қосылған Жақсылықов адвокатының қазір процеске қатыса алмайтынын айтып, жауап алуды кейінге қалдыруды сұрады.

Бұған дейін үш жәбірленуші тарап та Пакқа кешірім бергені еді.

Сондай-ақ сот отырысы барысында Пак кінәсін толық мойындады.

Александр Пак жантүршігерлік жол апаты Сот отырысы Әл-Фарабидегі ЖКО