Алғашқы су тасқыны болжамдары қашан белгілі болады

Қазақстанда алғашқы су тасқыны болжамдары ақпанда жарияланады, деп хабарлайды POLITICO.KZ.

Еліміз су тасқынын болжауға және моделдеуге арналған екі заманауи жүйені іске қосуды жоспарлап отыр. Алғашқы болжам ақпан айының басында, ал екіншісі наурыз айының басында жарияланады, деп хабарлады Су ресурстары және ирригация министрлігінің баспасөз қызметі.

"Олардың бірі — Tasqyn ақпараттық жүйесі, ол еліміздегі 135 өзен бойынша ұзақ мерзімді болжамдар ұсынады. Бұл жүйе жаһандық су тасқынын алдын ала ескерту жүйесі GloFAS-қа интеграцияланған," — деп мәлімдеді ведомство.

Сонымен қатар, Нидерландтағы Су білім беру институтымен меморандум аясында тағы бір су тасқынын болжау жүйесі енгізілуде. Ол неміс Talsim жүйесіне негізделген және голландиялық Delft-FEWS платформасымен біріктірілген.