Алматы әуежайында жұмысшы көз жұмды

11 қараша 2026, 11:16 37

Алматы әуежайында жұмысшы көз жұмды — Фото: ашық дереккөз

Алматы халықаралық әуежайында жұмысшы көз жұмды. Осы оқиғаға байланысты еңбек қауіпсіздігі талаптарын бұзу фактісі бойынша қылмыстық іс қозғалды, деп хабарлайды Politico.kz.

Қайғылы жағдайға қатысты ақпаратты көлік полициясы растады.

Көлік полициясы басқармасының мәліметінше, адам өліміне әкеп соққан еңбекті қорғау ережелерін бұзу дерегі бойынша қылмыстық іс тіркелген.

«Қазіргі уақытта оқиғаның барлық мән-жайын жан-жақты әрі объективті анықтауға бағытталған қажетті тергеу амалдары жүргізіліп жатыр. Тергеу мүддесіне байланысты өзге ақпарат жарияланбайды», – деп хабарлады көлік полициясындағылар.

Politico.kz тілшісі осы оқиғаның мән-жайын білу үшін Алматы әуежайының баспасөз қызметіне ресми сауал жолдады. Алайда материал жарияланған сәтте әуежай тарапынан жауап болмады.

Алматы Кісі өлімі қайғылы оқиға Әуежай

Бізді Google-дың негізгі дереккөздер тізіміне қосыңыз

Қосу

Алматы әуежайында жұмысшы көз жұмды

Соңғы жаңалықтар