АҚШ пен Иран 45 күндік бітімге келуі мүмкін

АҚШ, Иран және өзге де елдер қақтығысты реттеудің алғашқы кезеңі ретінде 45 күндік атысты тоқтату режимін енгізу туралы келіссөздер жүргізіп жатыр, деп хабарлайды Politico.kz Axios порталына сілтеме жасап.

Дереккөздердің мәліметінше, бұл мақсатта екі кезеңнен тұратын жоспар талқыланып жатыр. Бірінші кезеңде 45 күндік уақытша бітім орнату ұсынылады. Егер келісімге келіп жатса, бұл мерзім ұзартылуы мүмкін. Екінші кезең қақтығысты толығымен тоқтататын толыққанды келісімге қол қоюды көздейді.

АҚШ президенті Дональд Трамптың әкімшілігі соңғы күндері Иранға бірнеше ұсыныс жолдаған, алайда ирандық тарап әлі ешқайсын қабылдамаған.

Еске салсақ, 4 сәуірде Трамп Иранға 48 сағат уақыт қалғанын мәлімдеген болатын. Егер келісім жасалмаса, елге жойқын шабуыл жасау ескертілді.

атысты тоқтату АҚШ Бітімге келу Иран Соғыс

АҚШ пен Иран 45 күндік бітімге келуі мүмкін

Соңғы жаңалықтар