АҚШ Қырымды Ресей аумағы ретінде мойындауы мүмкін

АҚШ Қырымды Мәскеу мен Киев арасында ауқымды бейбіт келісім жасалса Ресей аумағы ретінде мойындауы мүмкін, деп хабарлайды POLITICO.KZ Bloomberg басылымына сілтеме жасап.

Мұндай ымыраға келу мүмкіндігі АҚШ Мемлекеттік хатшысы Марко Рубионың мәлімдемесінен кейін белгілі болды. Ол Америка Құрама Штаттары бейбітшілік орнату бойынша делдалдық күш-жігерін тоқтатуы мүмкін екенін, егер жақын арада нақты прогресс болмаса, айтқан.

Соған қарамастан, Қырымды Ресей аумағы ретінде ресми тану туралы түпкілікті шешім әлі қабылданбаған.

Бұған дейін америкалық БАҚ-тар АҚШ-тың Еуропалық одақтағы серіктестеріне Украинадағы соғысты тоқтатуға бағытталған бейбіт келісім жобасын ұсынғанын хабарлаған. Бұл құжатта Ресейге қарсы санкцияларды жұмсарту да қарастырылған. Сонымен қатар, ұсыныстардың қатарында қақтығыс шебін "мұздату", яғни Ресей қазіргі бақылаудағы аймақтарды ұстап қалу құқығына ие болып, Украина НАТО-ға кіру жоспарынан толық бас тартуы тиіс деген тармақтар да бар.