Ақтауда бала ыстық су толы коммуналдық құдыққа түсіп кетті

Ақтауда бала ыстық сумен толтырылған коммуналдық құдыққа құлады, деп хабарлайды Orda.kz. 

Тосын жағдай тұрғын үйдің ауласында болған. Баланы қатты күйік шалыпты. Әлеуметтік желіде баланың анасы түсірген видео тарады. Ол баласының оқыс жағдайға тап болғанын айтты. 

«Балам осы жермен келіп мұнда түсіп кеткен. Бұның ішінде ыстық су болған. Құдайға шүкір, балам өзі шыққан. Бірақ денесін күйік шалды. Іші толған су еді», - деді баланың анасы. 

Әкімдік пен коммуналдық қызметтер өкілдері әлі ресми түсініктеме берген жоқ.

«Бұл немқұрайлылық үшін кінәлі адамды жұмыстан шығару керек», «Жауапты адамдар жазалануы керек, ал зардап шеккен адамның отбасы өтемақы алуы керек», — деп жазды желідегілер.