"Арыстандай кеттіңіз": Ақтөбеде көршісінің қолынан қаза тапқан Айболат Жисовтің ұлы әкесі туралы жазды

"Арыстандай кеттіңіз": Ақтөбеде көршісінің қолынан қаза тапқан Айболат Жисовтің ұлы әкесі туралы жазды
Фото: видеодан скриншот

Ақтөбеде көршісі атып өлтірген Айболат Жисовтің ұлы Әнуар Тобанияз әлеуметтік желіде әкесін еске алып, жүректебірентерлік жазба жариялады, деп хабарлайды Politico.kz.

Марқұмның ұлы әкесінің өзіне әрдайым үлгі болғанын, қиындыққа мойымауды үйреткенін және ең ауыр сәтте де отбасын қорғау жолында өз өмірін қиғанын жеткізді.

«Әкем мен үшін әрқашан үлгі тұтар ең асыл жан болды. Ол маған қиындыққа мойымауды, тағдырдың соққысына төтеп беруді және өмірдің әр сәтін бағалауды үйретті. Ең ауыр сәтте де отбасын қорғау үшін өз өмірін қиды. Әке, Сіз мен үшін әрқашан батыр болып қаласыз. Арыстандай өмір сүріп, арыстандай кеттіңіз. Сіздің жақсылығыңыз бен игі істеріңіз ешқашан ұмытылмайды», — деп жазды Әнуар Тобанияз.

Желі қолданушылары марқұмның жақындарына көңіл айтып, жазбаға қолдау білдіріп жатыр.

Бізді Google-дың негізгі дереккөздер тізіміне қосыңыз
Қосу