"Қарыз алып, көлігімізді саттық": Серік Ибрагимовтің фильміне Бесбаевтың демеушілік еткені рас па

Қазақстандық танымал әнші Серік Ибрагимов енді кинопродюсерлікке бет бұрып, бүгінде тырнақалды туындысын түсіріп жатыр. Өнер иесі "Заман-Back" атты фильміне қолдау білдіріп, жобасына демеушілік еткен жандарды атады,-деп хабарлайды politico.kz

"Осыған дейін жинаған абыройымыз бар. Мейрамбек ағамыз қолдап, ақыл-кеңесін беріп, таныс-тамырларынан белгілі бір мөлшерде қарыз алып, көлігімізді саттық. Жоқтан бар жасап, кино түсіріп жатқан жайымыз бар. Ауылда Абзал Атағожаев деген інім бар. Үш-төрт жыл ақша жинап, 2022 жылғы көлік сатып алған. Кореядан 12 жарым миллионға алыпты. Соны бір ай ғана жүргізіп, мен үшін сатып жіберді", - деді әнші "Revue News" бағдарламасында.