Астанада түнде балалар ауруханасында өрт шықты

Науқастар эвакуацияланды

Астанада 11 сәуір күні кешкі уақытта балалар ауруханаларының бірінде өрт тіркелді, деп хабарлайды Politico.kz.

Қалалық әкімдіктің мәліметінше, сағат 22:48-де №1 көпсалалы қалалық балалар ауруханасының бір бөлмесінде өрт шыққаны туралы хабар түскен. Оқиға орнына жедел жеткен төтенше жағдайлар қызметі өртті 23:08-де толықтай сөндірді. Мамандардың жедел әрі үйлесімді әрекеттерінің арқасында зардап шеккендер мен қаза болғандар жоқ.

Қауіпсіздік мақсатында ауруханада жатқан кішкентай науқастар дереу көрші ғимаратқа көшірілді. Қазіргі таңда жағдай толық бақылауда.

Астанада қала ішінде 216 км/сағ жылдамдықпен жүрген жүргізуші ұсталды

Астанада пәтер өртеніп, үш бала көз жұмды

балалар ауруханасы елорда көмек өрт сөндіруші өрт шықты

Бізді Google-дың негізгі дереккөздер тізіміне қосыңыз

Қосу