Астанада жол жұмысшыларын көлік қағып кетті: бір адам қаза тапты

Астанада түнгі жөндеу жұмыстарын жүргізіп жатқан екі жол жұмысшысын жеңіл көлік қағып кетті, деп хабарлайды POLITICO.KZ саяси-әлеуметтік порталы.

Қайғылы оқиға салдарынан бір адам оқиға орнында көз жұмып, екіншісі ауруханаға жеткізілді.

Астана қаласының Полиция департаменті хабарлағандай, жол-көлік оқиғасы 18 тамызға қараған түні болған. «Skoda» маркалы автокөлігінің жүргізушісі Қошқарбаев көшесінен Сарайшық көшесі бағытына қарай қозғала отырып, жолда жөндеу жұмыстары жүріп жатқанын ескермеген. Салдарынан ол жолдың қозғалыс бөлігін жөндеп жатқан екі жұмысшыны қағып кеткен. Оқиғадан кейін оқиға орнынан түсірілген кадрлар әлеуметтік желілерде тарауда.

Қазіргі уақытта полиция қылмыстық іс қозғап, сотқа дейінгі тергеуді бастады.

Астана қаласы ЖКО

Астанада жол жұмысшыларын көлік қағып кетті: бір адам қаза тапты

Соңғы жаңалықтар