Астаналықтар ұшақ апатынан зардап шеккендер үшін қан тапсыруда

Астаналықтар зардап шеккендерге көмек көрсету үшін кезекке тұруда

Астана тұрғындары Маңғыстау облысында орын алған ұшақ апатынан зардап шеккендерге қолдау білдіру үшін қан тапсыруда, деп хабарлайды POLITICO.KZ.

Қалалық қан орталығында кезек күткен адамдардың саны артқан.

Астана әкімдігі бұл жағдайға түсініктеме беріп, қала тұрғындарының зардап шеккендер мен қаза тапқандардың отбасыларына қолдау көрсету мақсатында белсенділік танытып жатқанын атап өтті.

– Қала тұрғындары азербайжандық әуе жолдары ұшағының апатынан зардап шеккендерге көмек көрсету үшін қан тапсырып жатыр. Бұл олардың шынайы қолдауы мен адамгершілігінің көрінісі, – деді әкімдік өкілі.

Әлеуметтік желілерде Әзербайжан азаматтары қазақстандықтардың қолдауына алғыстарын білдіруде.

#Астана