Әуежайда жолаушылар ұшағы өртенді

Оңтүстік Кореяның Пусан қаласындағы әуежайда жолаушылар ұшағы өртенді. Бұл туралы Yonhap агенттігі мәлімдеді, деп хабарлайды POLITICO.KZ.

Өрт ұшақтың құйрық бөлігінде ұшу алдында шыққан. Бортта 169 жолаушы және 7 экипаж мүшесі болған. Барлығы шұғыл эвакуацияланып, зардап шеккендер тіркелген жоқ.

Оқиға орнынан түсірілген видеолар мен фотосуреттерден ұшақтың отқа оранғаны, қалың түтін көтерілгені байқалады. Өртті сөндіру үшін бірнеше өрт сөндіру бригадасы жұмылдырылды.

Қазіргі уақытта оқиғаның себебі анықталуда. Әуежай қызметкерлері мен авиация билігі тергеу жүргізіп жатыр.