Ауылға көшкен көпбалалы отбасыларға үй мен мал тегін беріледі

Қостанай облысының Жангелдин ауданындағы Шилі ауылында оқушылар санының азаюына байланысты көпбалалы отбасыларды ауылға көшуге шақырып жатыр, деп хабарлайды Politico.kz.

Көшуге келіскен отбасыларға бірқатар жеңілдік ұсынылады. Атап айтқанда, оларға тегін тұрғын үй, бес бас ірі қара, көшіп келу шығындары және екі жылға жететін тегін шөп беріледі.

Сондай-ақ жергілікті билік ерлі-зайыптылардың екеуін де жұмыспен қамтуға уәде берген.

Ұйымдастырушылардың айтуынша, егер отбасы бір жыл тұрғаннан кейін ауылда қалғысы келмесе, келесі жылы бұрынғы тұрғылықты жеріне қайта көшуіне болады. Ал берілген мал бес жылдан кейін толықтай отбасының меншігіне өтеді.

Қазіргі таңда ауылда әсіресе математика, физика және информатика пәндерінің мұғалімдеріне сұраныс жоғары.

Ауыл көші-қон Отбасы Қостанай

Ауылға көшкен көпбалалы отбасыларға үй мен мал тегін беріледі

Соңғы жаңалықтар