Айгүл Иманбаева жолдасы туралы бар құпияны жайып салды

Белгілі әнші Айгүл Иманбаева жеке өмірі туралы Salem America жобасында алғаш рет ашық айтты, деп хабарлайды Politico.kz.

Өнер иесі берген сұхбатында жолдасының кім екеніне, оның өмір салты мен болмысына тоқталды. Айгүл Иманбаеваның айтуынша, жұбайы – ІТ саласының маманы. Бұл бағыт әншіге аса таныс емес екенін де жасырмады.

«Мен – үнемі адамдардың ортасында жүретін, көпшілікке ашық шығармашылық адаммын. Ал жолдасым керісінше – тұйықтау, өз әлемінде өмір сүретін жан. Кейде оның айтқанын толық түсіне бермеймін», – деді ол.

Сондай-ақ әнші жолдасымен таныстығы Нью-Йоркте басталғанын айтты. Жұбайы ұзақ уақыттан бері АҚШ-та тұрады, ал Айгүл Иманбаева ол жаққа жиі барып жүрген.

Әншінің бұл ашық әңгімесі желі қолданушылары арасында қызу талқыланып жатыр.

Айгүл Иманбаева отбасы сұхбат шоу-бизнес