Балалар қоршаудан ұшып кетті: Жетісу облысында жантүршігерлік жол апаты болды (ВИДЕО)

Жетісу облысы Талдықорған қаласында жүргізуші бағдаршамның қызыл түсін елемей, қатты жылдамдықпен мопед тізгіндеген екі жасөспірімді қағып кетті, деп хабарлайды Politico.kz.

Жасөспрімідер қатты соққыдан жолдың жанында тұрған қоршаудан ұшып кеткен. 

Қазір екеуі де жансақтау бөлімінде жатыр, жағдайлары ауыр. 

«Полиция 2026 жылы 2 сәуірде сағат 00:10-да Талдықорған қаласындағы Жансүгіров және Балпық би көшелерінің қиылысында болған жол-көлік оқиғасы бойынша қылмыстық іс қозғады. Алғашқы мәліметтер бойынша, Toyota Camry маркалы автокөліктің жүргізушісі рұқсат етілмеген сигналда өтуге әрекет жасап, мопедпен соқтығысқан. Оқиға салдарынан мопедте болған екі адам – жүргізуші мен жолаушы ауруханаға жеткізілді», – деп хабарлады облыстық полициядағылар.

Полиция оқиғаның мән-жайын анықтауда.