Балқашта тұрғын үйдің кіреберісі опырылып түсті (ВИДЕО)

Қараменді би көшесіндегі №10 ғимараттың бесінші кіреберісі 2025 жылы техникалық есепке сәйкес қауіпті деп жарияланған, ішінде тұрғындар болмаған, деп хабарлайды Politico.kz.

Қалалық әкімдіктің мәліметінше, тұрғын үй бұған дейін апатты деп танылып, бұзуға жатқызылған. 

Аталған подъезде ешкім тұрмаған. Зардап шеккендер жоқ. Аумақ қоршауға алынды. Кіреберіс қазір бөлшектеліп жатыр. 

5-подъездің тұрғындары алдын ала қоныс аударылып, пәтерлері тұруға жарамсыз деп танылғандықтан, заңда белгіленген тәртіппен тұрғын үйге мұқтаж азаматтар ретінде есепке қойылған.

Ғимарат қоршауға алынып, кіруге шектеу қойылды, инженерлік коммуникациялар (электр, жылу, су жүйелері) белгіленген тәртіппен ажыратылды.

Жұмыс аяқталғаннан кейін мамандар ғимараттың қалған төрт кіреберісін қосымша тексеріп, құрылымдық нығайту бойынша құжаттама әзірлейді.