Балқаштағы мектептерге жарылғыш заттар қойылды деген рас па?

Балқаштағы мектептерге жарылғыш заттар қойылды деген ақпарат жалған, деп хабарлайды POLITICO.KZ.

Әлеуметтік желілер мен Telegram-арналарда тараған Балқаш қаласындағы мектептерге жарылғыш заттар қойылды деген мәлімет шындыққа жанаспайды, деп мәлімдеді Қарағанды облысының Полиция департаментінің баспасөз қызметі.

Полиция барлық білім беру мекемелерін тексерді - жарылғыш заттар табылған жоқ.

Жалған ақпарат тарату фактісі бойынша қылмыстық іс қозғалып, кінәлілерді анықтау үшін жедел-тергеу шаралары жүргізілуде.

Қарағанды облысының Полиция департаменті терроризм актісі туралы жалған хабар бергені үшін қатаң жауапкершілік қарастырылғанын ескертеді.