Батыс Қазақстанда құлаған 2 дронның қай елге тиесілі екені анықталады

Қорғаныс министрлігі Қазақстанның батысында құлаған 2 ұшқышсыз ұшу аппаратының қай елден ұшып келгенін анықтау үшін арнайы комиссия құрды, деп хабарлайды Politico.kz.

Мәжіліс кулуарында Қорғаныс министрінің орынбасары Асқар Мұстабеков еліміздің батысында 2 дронның құлау дерегі тіркелгенін мәлімдеді. Ол бұл оқиғаны тергеп, аппараттардың қай мемлекетке тиесілі екенін анықтау мақсатында Қарулы күштер сарапшыларынан тұратын арнайы комиссия жұмысын бастағанын жеткізді.

Қазіргі уақытта Қазақстанда мұндай ұшу аппараттарынан қорғанатын құралдар жеткілікті және әуе қорғанысы қалыпты режимде жұмыс істеп тұр.

«Сондықтан қосымша заң актілерін өзгертудің немесе қабылдаудың қажеті жоқ, әуе кеңістігін бұзудың барлық дерегі тіркеліп отыр», – деді Асқар Мұстабеков.

Еске салайық, 2026 жылдың 26 наурызында Батыс Қазақстан облысының аумағында белгісіз ұшқышсыз ұшу аппараты табылған болатын.

Асқар Мұстабеков Дрон Комиссия Қорғаныс министрлігі Ұшқышсыз ұшу аппараты

Батыс Қазақстанда құлаған 2 дронның қай елге тиесілі екені анықталады

Қорғаныс министрлігі Қазақстанның батысында құлаған 2 ұшқышсыз ұшу аппаратының қай елден ұшып келгенін анықтау үшін арнайы комиссия құрды, деп хабарлайды Politico.kz.

Соңғы жаңалықтар