Демалыста жүрген Әсел Асқардың видеосы желіде қызу талқыланды

Қазіргі таңда Камбоджада фильмге түсіп жатқан қазақстандық актриса, блогер әрі тележүргізуші Әсел Асқар сол елден видео жариялады. Instagram жұлдызының мүсіні желі қолданушыларының талқысына түсті.

Актриса Instagram-да жылы видеосын бөлісті. Жақында оқырмандарына едәуір салмақ тастағанын сүйіншілеген желі жұлдызы қайтадан өзі үшін маңызды сұрақты қойды. "Арықтадым ба? Әлде салмақ қостым ба? Не ойлайсыздар, оқырмандарым?", - делінген видео сипаттамасында.

Әсел Асқардың желідегі оқырмандары бейнежазбаға пікір қалдырып, өз ойын айтып жатыр.

"Арықтапсыз, бірақ маған салмақ қоссаңыз да ұнайсыз", "Үнемі әдемі боп жүресіз", "Мүсініңіз туралы уайымдамасаңыз да болады, ерік-жігеріңіз бен жаттықтырушыңыз тұрғанда барлығы жақсы болары сөзсіз", "Әрине, арықтағансыз, оны талқылаудың өзі артық", Мүсініңіз керемет", "Әдемісіз, Голливуд жұлдызы сияқтысыз", - деп жазыд олар.

Бұған дейін Әсел Асқар Камбоджада қалғысы келетінін жазған.