Денсаулық сақтау министрлігінің медициналық ұйымдарға қарызы 700 млрд теңгеден асты

Денсаулық сақтау вице-министрі Ардақ Амангелдиев министрліктің елдегі медициналық ұйымдарға қанша қарыз болғанын айтты, деп хабарлайды POLITICO.KZ.

«Бұл сома қазір 700 млрд теңгеден асады. Бұл республикалық бюджетке жоспарланған және нақты түсімдердің арасындағы айырмашылық. Бұл ұйымдардың қызметіне айтарлықтай әсер еткен жоқ: біз өтімділікті сақтап, қордың жинақталған активтері арқылы шоттарды төлеп жатырмыз. Қаржы министрлігімен параллельді түрде өз міндеттемелерімізді өтеу үшін үкіметтің қажетті қаражатын жинақтап жатырмыз», - деді ол үкіметтегі брифингте.

Оның айтуынша, «күрделі фискалдық жағдайға» және республикалық бюджет кірістерінің толық орындалмауына қарамастан, жүйе қосымша қаржы алды.

«Тамыз және қыркүйек айларында 94 млрд теңге бөлінді. Жыл соңына дейін нақтылаулар мен түзетулер аясында қазан айында шамамен 20 млрд теңге бөлінеді», - деп атап өтті ол. 

Амангелдиев 6 тамызда түскен өңірлердің өтінімдері қараудың соңғы сатысында екенін айтты.