Елге оралған Тамара Асар концерттерін қай қалалардан бастайтынын айтты

Қазақстандық әнші Тамара Асар шетелден оралып, алғашқы концерттерін қай өңірлерде өткізетінін айтты, деп хабарлайды Politico.kz.

Өнер иесі әлеуметтік желідегі парақшасында оқырмандарына алғыс білдіріп, денсаулығының жақсарып келе жатқанын жеткізді.

«Маған жолдап жазған ақ тілектеріңіз үшін көп рақмет! Әрқайсыңызға мықты денсаулық, шаңырақтарыңызға шаттық тілеймін! Шүкір Аллаға, аман-есен елге оралдық. Аяғымды қайта басып, жүріп үйреніп жүрмін, тек жақсылықтан үміттімін», – деп жазды әнші.

Сондай-ақ ол өзін сағынған тыңдармандарының ұсынысымен алғашқы концерттерін батыс өңірлерден бастау жоспарда бар екенін айтты.

«Мені қатты сағынған көпшіліктің сұрауымен алғашқы концерттерімді, Алла қаласа, Ақтау, Жаңаөзен, Шетпеден бастауға ұсыныс алдым. Мен де сіздерді қатты сағындым…», – деді Тамара Асар.

Әншінің бұл жаңалығы тыңдармандарын қуантты.