Лукашенко Путинді Халықтар бірлігі күнімен құттықтады

Беларусь Президенті Александр Лукашенко Ресей Президенті Владимир Путинді Халықтар бірлігі күнімен құттықтады, деп хабарлайды POLITICO.KZ РИА НОВОСТИ арнасына сілтеме жасап.

Беларусь басшысының баспасөз қызметінің мәліметінше, Лукашенко құттықтауында екі ел арасындағы интеграциялық жобалар Беларусь пен Ресей экономикасының шығармашылық әлеуетін ашуға ықпал еткенін атап өтті.

«Ауқымды одақтық бағдарламаларды жүзеге асыру, экономика, ғылым және технология салаларындағы ынтымақтастық беларусь-ресейлік серіктестік үшін жаңа, іс жүзінде шексіз мүмкіндіктер көкжиегін ашуда», – делінген хабарламада.

Оның айтуынша, атом энергетикасы, ғарыш зерттеулері, машина жасау мен микроэлектроника салаларындағы жетістіктер технологиялық егемендік пен импорттық тәуелсіздікке қол жеткізудің маңызды қадамына айналды.

Лукашенко қазіргі заманның өзі Беларусь пен Ресей тек бірлесіп әрекет ету арқылы ғана заманауи сын-қатерлерге тиімді жауап бере алатынын дәлелдеп отырғанын айтты.