Мұхаммед пайғамбарға табынбаймын, ол адам – Мұхамеджан Тазабек

Белгілі қоғам белсендісі, ақын Мұхамеджан Тазабек журналист Жанар Байсеміздің подкастында ағынан жарылды, деп хабарлайды POLITICO.KZ.

Мұхамеджан Тазабектің сөзінше, ол өмірінде ешкімге табынып көрмеген. Себебі кез келген адамның кемшілігі бар екенін алға тартты.

«Мұхтар Шаханов, Мұхтар Мағауин, Мұхтар Әуезов, Мұхамед Пайғамбарға табынбаймын. Себебі адам баласы кемшіліксіз тұрмайтынына көзім жеткен. Пайғамбар – адам. Пайғамбардың бойында кемшілік, қателік болса да ол Алланың қалауымен адамдарға ғибрат, насихат ретінде жіберілген. Ол да адам. Мұхамед Пайғамбарымыз қайтыс болғанда оның жақын досы Омар қылышын суырып айтады: Егер Пайғамбар өлді десе оның басын шабамын дейді. Сол кезде Әбубәкір оған сабырға келуін сұраған. Себебі Алла Тағала «Мұхамед сен де өлесің», деген аят түсірген. Мұхаммед Пайғамбар ол да өмірден өтеді, оны да түсінбеген немесе шексіз сүйгендер болған», — деді Мұхамеджан Тазабек.