Өскеменде үш адамды балталап өлтіріп, өртеп кеткен

Өскеменде жер үйде өрт шықты. Тілсіз жау ауыздықталғаннан кейін жертөледе 76 жастағы үй иесінің, оның 69 жастағы әйелі мен олардың 51 жастағы туысының жартылай өртенген денесі табылған.

Әуелі бұл ақпаратты "Криминальный Казахстан" басылымы таратты.

Хабарламада өлгендердің басынан балтамен жасалған соққы іздері анықталған. Полиция қызметкерлері қайғылы оқиға мас күйінде жанжал кезінде болғанын анықтады. 27 жастағы күдікті із суытпай ұсталды. Ол кісілерді өлтіргеннен кейін ол мәйіттерді жертөлеге тастап, үйді өртеп, қылмыс іздерін жасыруға тырысған. Күдікті құрбандардың туысы екені де белгілі, - делінген хабарламада.