"Жас қыз сияқтысыз": 47 жастағы Мадина Сәдуақасова жаңа образымен көпшілікті тәнті етті

"Жас қыз сияқтысыз": 47 жастағы Мадина Сәдуақасова жаңа образымен көпшілікті тәнті етті
Фото: instagram.com/sadvakasovamadina

«Сүйген жүрек» әнінің орындаушысы, 47 жастағы қазақстандық танымал әнші Мадина Сәдуақасова әлеуметтік желідегі парақшасында жаңа образдағы суреттерін жариялады, деп хабарлайды Politico.kz.

Өнер иесі белгілі отандық дизайнер Азамат Арғымбаев тіккен жылтыр кешкі көйлекпен көзге түскен. Әнші Шымкенттің түнгі шамдары аясында түскен фотоларын ерекше жазбамен бөлісті:

«Бұл суреттерде бәрі тамаша — өзім де, Шымкенттің түнгі оттары да, көйлегім де, гүлдердің жұпары да», — деп жазды әнші.

Мадина Сәдуақасованың бұл жазбасын сахнадағы әріптестері мен тыңдармандары жылы қабылдап, оның сұлулығына тәнті болды. Оқырмандар «Керемет», «Қандай нәзіктік», «Жас қыз сияқтысыз», «Сізге өте жарасады», «Әрдайым осылай жарқырап жүріңіз» деп жарыса пікір қалдырып жатыр.

Бізді Google-дың негізгі дереккөздер тізіміне қосыңыз
Қосу