Павлодар зауытындағы оқыс оқиға: Жұмысшылар ауруханаға түсті

Алюминий зауытында материал опырылып, екі адам зардап шекті

Павлодардағы алюминий зауытында екі жұмысшы өндірістік жарақат алды, деп хабарлайды Politico.kz сайты “kerek.pv” Telegram-каналына сілтемемен.

Оқиға 16 мамыр күні түнгі уақытта зауыттағы №3 пештің кептіру аймағын тазалау кезінде болған. Кәсіпорын мәліметінше, жұмыс барысында жиналып қалған материалдың бір бөлігі опырылып құлап, сол маңда жүрген қызметкерлер зардап шеккен.

Зардап шеккендердің бірі диірмен машинисті. Дәрігерлер оның оң жіліншігі сынғанын анықтап, ауруханаға жатқызды. Қазір жағдайы орташа ауыр деп бағалануда. Ал екінші жұмысшы оң аяғын соғып алған. Медициналық тексерістен кейін оған амбулаториялық ем тағайындалды.

Кәсіпорын өкілдері зауытта ешқандай апат болмағанын мәлімдеді. Өндірістік қауіпсіздік саласына жауапты мамандар нысанды тексеріп, апат белгілерін анықтамаған.

Қазір оқиғаның мән-жайын еңбек инспекциясы анықтап жатыр.

Астанадағы LRT алғашқы күні тоқтап қалды

Алматы облысында ақпанда жоғалған ер адам өлі күйінде табылды

Жұмысшылар зардап шегу Зауыт оқыс оқиға Павлодар

Павлодар зауытындағы оқыс оқиға: Жұмысшылар ауруханаға түсті

Павлодардағы алюминий зауытында екі жұмысшы өндірістік жарақат алды, деп хабарлайды Politico.kz сайты “kerek.pv” Telegram-каналына сілтемемен.

Соңғы жаңалықтар