Полицейлерді боқтаған мас әйелдің ісі сотқа дейін жетті

Билік өкілдерін балағаттаған қазақстандық әйелге қылмыстық іс қозғалды

Ақмола облысында полиция қызметкерлерін қызметтік міндетін атқару кезінде балағаттаған әйел жауапқа тартылды, деп хабарлайды Politico.kz.

Оқиға 6 шілде күні Жалтыр ауылының орталық алаңында болған. Полицияның мәліметінше, қоғамдық тәртіпті бұзған 34 жастағы әйел мас күйде болған. Тәртіп сақшылары құқық бұзушылықтың жолын кесуге әрекет еткен кезде, әйел олардың ар-намысына тиетін бейәдеп сөздер айтып, заң талаптарына бағынбаған.

Аталған оқиға бойынша әйелдің әрекеті тіркеліп, оған қатысты билік өкілін қорлау дерегімен қылмыстық іс қозғалды.

Полиция азаматтарға құқық қорғау органдары қызметкерлерінің заңды талаптарын орындап, олардың қызметіне кедергі келтірмеуге және қоғамдық орындарда заң талаптарын сақтауға шақырды. Сондай-ақ тәртіп сақшыларын қорлау, оларға бағынбау немесе күш көрсету Қазақстан заңнамасына сәйкес жауапкершілікке әкелетіні ескертілді.

«Оның ашушаң екенін қайдан білейін?»: Танысын өлтіріп, мәйітін қоқысқа тастаған ақтөбелік сотта сөйледі

Халықтың ақшалай табысы 11,8%-ға өсті

Ақмола облысы балағаттау жауапқа тарту Полиция

Полицейлерді боқтаған мас әйелдің ісі сотқа дейін жетті

Ақмола облысында полиция қызметкерлерін қызметтік міндетін атқару кезінде балағаттаған әйел жауапқа тартылды, деп хабарлайды Politico.kz.

Соңғы жаңалықтар