Қарағандыда пәтер тонаумен айналысқан топ ұсталды: 3 ер адам қамауға алынды

Ауланы аңдып, пәтерді торыған

Қарағанды облысында бірнеше пәтер ұрлығына күдікті топ арнайы операция кезінде қолға түсті. Криминалдық полиция қызметкерлері «Арлан» арнайы жасағының қолдауымен күдіктілер тұрған пәтерге басып кірген, деп хабарлайды Politico.kz.

Таратылған бейнежазбада ер адамдардың аулаларды торуылдап, кіреберістерді бақылап, пәтерлерді аңдығаны анық көрінеді. Тергеу мәліметінше, олар алдымен «нысанды» таңдап алып, кейін терезе торларын бұзып, үйге терезе арқылы кірген.

Ең шулы эпизодтардың бірі Қарағанды қаласындағы Лобода көшесінде болған. Пәтерден 40-қа жуық гауһар тасты алтын бұйым, үлбірлі қымбат тон және ноутбук ұрланған. Алдын ала есеп бойынша шығын көлемі 20 миллион теңгеден асады.

Арнайы операция барысында 35-39 жас аралығындағы үш ер адам ұсталып, уақытша ұстау изоляторына қамалды. Полиция аса ірі мөлшердегі ұрлық фактісі бойынша қылмыстық іс қозғады.

Қазір күдіктілердің өңірдегі басқа да осыған ұқсас қылмыстарға қатысы бар-жоғы тексеріліп жатыр. Тергеу жалғасуда.

Шымкентте дендросаябақтан ағашқа асылған ер адамның денесі табылды

«Азаптауға ұшырады»: Талғарда жоғалған Ғалымжанның денесі табылды

арнайы операция Тергеу Қарағанды облысы қылмыстық топ ұрлықшылар

Қарағандыда пәтер тонаумен айналысқан топ ұсталды: 3 ер адам қамауға алынды

Соңғы жаңалықтар