Мемлекеттік қызметкерлердің табысы туралы мәліметтер сайттарда пайда болады

Мемлекеттік қызметкерлердің табыс декларациясы биылдан бастап жариялануға тиіс, деп хабарлайды POLITICO.KZ.

Бұл талап жемқорлықпен күресті күшейту мақсатында енгізілген.

Қаржы вице-министрі Даурен Кеңбейілдің айтуынша, 2023 жылға арналған декларациялар әр мемлекеттік органның ресми сайтында жарияланады. Бұл қадам қоғамның сенімін арттыру мен мемлекеттік қызметте ашықтықты қамтамасыз етуге бағытталған.

"Әр органның сайтында тиісті бөлім жасалады, онда мемлекеттік қызметкерлердің табыс және мүлік туралы мәліметтері көрсетіледі. Биыл тек 2023 жылғы декларациялар жарияланады," – деді вице-министр.

Декларациялардың ашық болуы мемлекеттік қызметкерлердің табысы мен шығынын бақылау, заң бұзушылықтардың алдын алу үшін енгізілген. Сонымен қатар, бұл тәсіл азаматтарға мемлекеттік органдардың жұмысын бақылауға мүмкіндік береді.