Қасым-Жомарт Тоқаев ресми сапармен Германияға барды

Мемлекет басшысы Қасым-Жомарт Тоқаев Федералдық Президент Франк-Вальтер Штайнмайердің шақыруымен Германияға ресми сапармен барды. Сапар аясында екіжақты қарым-қатынасты нығайтуға бағытталған бірқатар маңызды кездесулер мен іс-шаралар жоспарланған, деп хабарлайды Politico.kz.

Сапардың негізгі бағдарламасы:

• Берлинде ГФР Президенті Франк-Вальтер Штайнмайермен және Федералдық канцлер Фридрих Мерцпен кездесу өтеді. Тараптар Қазақстан мен Германия арасындағы стратегиялық әріптестікті нығайту перспективаларын талқылайды.

• Президент ресми іс-шаралар барысында Мюнхен қаласына да арнайы барады.

• Мемлекет басшысы Германияның жетекші компаниялары мен қаржы институттарының басшыларымен, сондай-ақ жоғары оқу орындарының ректорлары және ғылыми институт жетекшілерімен кездеседі.

• Қасым-Жомарт Тоқаев Берлинде өтетін бизнес-форумға және Мюнхендегі технологиялық бизнес-форумға қатысады деп күтілуде.