«Қазақмыс» жер астындағы қауіпсіздікті жаңа техникамен күшейтпек

«Қазақмыс корпорациясы» кеніштердегі күрделі жағдайға төтеп беретін жаңа мамандандырылған көліктерді сынақтан өткізіп жатыр, деп хабарлайды Politico.kz.

Бұл BAW автокөліктері тар әрі орташа көлемдегі жер асты қазбаларында жүруге арнайы бейімделген. Жаңа техника заманауи қауіпсіздік жүйесімен толық жабдықталған. Көлік аударылғанда немесе жоғарыдан тас құлағанда жұмысшыларды аман алып қалатын арнайы қорғаныс құрылымы бар. Сонымен қатар техникада айналаны толық көрсететін бейнебақылау камералары, күшейтілген тежегіш пен жылдамдықты өзі шектейтін автоматты қызмет орнатылған.

Бұрын кеніштерде қарапайым көліктер қолданылып келсе, жаңа техника қиын жағдайларға тез бейімделеді әрі оны күтіп ұстауға кететін шығын әлдеқайда аз. Бастапқы сынақ нәтижелері көрсеткендей бұл машиналар еңбек қауіпсіздігін арттырып, құрылғылардың бұзылып бос тұрып қалуын азайтады. Осылайша өндіріс жұмысының тиімділігі арта түспек. Қазіргі кезде корпорация осынау арнайы техниканы барлық өндірістік алаңдарға біртіндеп енгізу мәселесін қарастырып жатыр.