Қазақстан боксшылары Азия чемпионатында 16 медаль жеңіп алды
Қазақстан боксшылары Ташкент қаласында өткен U17 жасөспірімдер арасындағы Азия чемпионатында үлкен жетістікке жетті, деп хабарлайды Politico.kz.
Ұлттық құраманың қоржынында жалпы 16 медаль бар: 8 алтын, 3 күміс және 5 қола.
Алтын медаль иегерлері:
Нұрасыл Ғалым (50 кг дейін), Хатшепсут Садвакасова (50 кг дейін), Эмир Мухит (60 кг дейін), Аяулым Оспанова (60 кг дейін), Диана Надырбек (75 кг дейін), Әлібек Алпамыс (80 кг дейін), Сабыржан Сағым (80 кг жоғары) және Жансая Ержан (80 кг дейін).
Күміс жүлдегерлер:
Балым Ғабитқызы (60 кг дейін), Мейіржан Жүніс (63 кг дейін), Ислам Сүлейманоғлы (66 кг дейін).
Қола медаль алғандар:
Милана Иншина (46 кг дейін), Бекхан Уразбай (52 кг дейін), Нұрислам Оналбек (57 кг дейін), Розалия Вайдеман (57 кг дейін), Айлин Ходжамбердиева (70 кг дейін).
Жалпы есепте Қазақстан құрамасы Азия чемпионатын табысты аяқтап, жас боксшылардың жоғары деңгейін тағы бір мәрте дәлелдеді.
Соңғы жаңалықтар
