Ресей азаматы Павлодардағы ХҚКО-да шу шығарды

Павлодардағы халыққа қызмет көрсету орталықтарының бірінде ресейлік азаматтың қатысуымен шу шықты, деп хабарлайды Politico.kz.

Куәгерлердің сөзінше, ер адам мекеме ішінде қатты дауыстап сөйлеп, өзін ашулы әрі әдепсіз ұстаған. Орталыққа келген азаматтардың бірі оған тынышталуын ескерткен. Алайда бұл сөзден кейін жағдай ушығып, екі тарап арасында сөзге келу орын алған.

Жанжалды тоқтатуға мекеме қызметкерлері араласқанымен, ер адам сабырға келмей, қызметкерлерге де, келушілерге де дауыс көтергені айтылды.

Соңғы уақытта Қазақстанда кейбір Ресей азаматтарының қатысуымен осындай даулы оқиғалар жиілеп кеткені әлеуметтік желілерде қызу талқылануда. Бұған дейін Алматыда банк картасын рәсімдеу кезінде наразылық танытқан ресейлік әйелдің видеосы тараған еді. Кейін сот оны әкімшілік жауапкершілікке тартып, 10 тәулікке қамауға алған болатын.