«Қазақстан келді!» - өзбек жанкүйерлерінің әлем чемпионатындағы құрметі
Өзбек жанкүйерлері өз жерінде өтіп жатқан футзалдан әлем чемпионатында Қазақстан құрамасына қолдау білдірді.
Футзалдан Қазақстан құрамасының Instagram-дағы ресми парақшасында жарияланған видеодан өзбек жанкүйерлерінің «Қазақстан келді» деп ән салғанын көруге болады. Олар Өзбекстан мен Қазақстан туын желбіретіп, шеру жасаған. Сондай-ақ қазақ-өзбек жанкүйерлері әйгілі Әндіжан полькасына билеп, көңіл көтерген.
Бұдан бөлек, Қазақстан-Ливия ойынында қырғыз, өзбек, түрік жанкүйерлері қазақстандық футзалшыларға қолдау білдірді. Бұл матчта Қазақстан құрамасы 4:1 есебімен жеңіске жетті.
Айта кетейік, Қазақстан құрамасы мерзімінен бұрын Өзбекстандағы футзалдан әлем чемпионатының плей-офф кезеңіне шықты. Ұлттық құрама топтық кезеңнің үшінші турының қорытындысы бойынша D тобында 4 ұпаймен екінші орынға жайғасты.
Осылайша, Қазақстан футзалшылары үшінші турдың нәтижесі қандай болса да 1/8 финалда ойнайды.
Рикардо Кака шәкірттерінің топтық кезеңдегі соңғы ойыны бүгін, яғни 21 қыркүйекте Жаңа Зеландия құрамасына қарсы өтеді. Бұл матч Астана уақыты бойынша 17:30-да басталады.
Фото: instagram.com/kff_team_futsal
Бізді Google-дың негізгі дереккөздер тізіміне қосыңыз
Қосу
Соңғы жаңалықтар
18.11.2026
12:28
Қазақстанның 2027–2029 жылдарға арналған бюджет...
18.11.2026
12:13
Ғалымдар семіздіктің ерлер мен әйелдерге неге ә...
18.11.2026
12:08
Қазақстанда біреудің суретін рұқсатсыз жариялағ...
18.11.2026
12:01
Атырау полициясының бұрынғы бастығының ісі сотқ...
18.11.2026
11:53
Алматыда алып тау шаңғысы курорты салынып жатыр...
18.11.2026
11:37
«Самұрық-Қазына» мен ҚТЖ басшылары қамауға алынды