Қазақстан Президенті Таяу Шығыс елдеріне үндеу жолдады

Тоқаев бауырлас елдердің егемендігін қолдайтынын мәлімдеді

2026 жылғы 1 наурызда Қазақстан Президенті Қасым-Жомарт Тоқаев Біріккен Араб Әмірліктері, Сауд Арабиясы, Катар, Бахрейн және Кувейт мемлекеттерінің басшыларына жеке жолдаулар жолдады, деп хабарлайды Politico.kz.

Мемлекет басшысы аталған елдердің халықтарына қолдау білдіріп, күрделі кезеңде Қазақстан халқының атынан ынтымақтастық пен жанашырлық танытатынын жеткізді.

Президент өз үндеулерінде достас әрі бауырлас мемлекеттердің егемендігі мен қауіпсіздігіне нұқсан келтіретін кез келген әскери әрекеттерді қатаң айыптады. Сонымен қатар Қазақстанның барлық күрделі халықаралық мәселелер мен қарулы қақтығыстарды тек дипломатиялық жолмен шешуді жақтайтынын ерекше атап өтті.

Қасым-Жомарт Тоқаев Қазақстанның бауырлас араб елдеріне қолдан келген көмекті көрсетуге дайын екенін білдіріп, олардың жоғары басшыларымен тұрақты жұмыс байланыстарын жалғастыруға үміт артатынын айтты.

Ирандағы отандастардың жағдайы туралы жаңа мәлімет шықты

Албанияда қазақстандық балуандар төрт алтын жеңіп алды

Біріккен Араб Әмірліктері Бахрейн Катар Сауд Арабиясы Қазақстан үндеу

Қазақстан Президенті Таяу Шығыс елдеріне үндеу жолдады

Последние новости