Қазақстанда әкімдерді оқытуға арналған "Әкімдер мектебі" іске қосылады

Қазақстан Президенті Қасым-Жомарт Тоқаев мемлекеттік аппараттың тиімді жұмысын қамтамасыз ету үшін жаңа жобаны – "Әкімдер мектебі" бағдарламасын іске қосуды тапсырды. Бұл туралы ол Үкіметтің кеңейтілген отырысында мәлімдеді.

Президенттің айтуынша, әкімдерді тікелей сайлау жүйесі жаңа басқарушылар категориясын қалыптастырды. Қазіргі уақытта 2,5 мыңнан астам басқарушы жұмыс істейді, олардың арасында мемлекеттік қызметте алғаш рет жұмыс істеп жатқан жас мамандар көп. Сондықтан олардың жан-жақты даярлығын қамтамасыз ету қажет.

"Әкімдерді оқыту бағдарламасы олардың сайлауалды бағдарламаларын тиімді жүзеге асыруына көмектеседі. Әйтпесе, халықтың сенімі мен үміті ақталмауы мүмкін. Осыған байланысты Үкіметке және Мемлекеттік қызмет істері агенттігіне "Аmanat" партиясының тәжірибесін негізге ала отырып, "Әкімдер мектебі" жобасын іске қосуды тапсырамын", – деді Тоқаев.

"Аmanat" партиясы жергілікті басқарушыларды оқыту бағытында үлкен жұмыс атқарып келеді. Бұл тәжірибені Президент жоғары бағалап, оны партиядан тыс форматта бүкіл ел аумағында тарату қажеттігін атап өтті.

Президенттің айтуынша, жаңа басқарушыларды оқыту мен даярлау аймақтық басқару сапасын арттырып, мемлекеттік аппарат пен халық арасындағы байланысты нығайтуға ықпал етеді.

Бұл туралы мәжіліс депутаты Павел Казнацев өзінің facebook парақшасында жазып кетті.