Қазақстанда мобильді аударымдарға салықтық бақылау шегі 1 миллион теңгеге көтерілді

1 млн теңгеден асқан мобильді аударымдар енді тексерілетін болады

Қазақстанда мобильді аударымдарды салықтық бақылау ережелері өзгерді, деп хабарлайды POLITICO.KZ.

Қаржы вице-министрі Ержан Біржановтың айтуынша, енді салық органдары шоттарды тек 1 миллион теңгеден асқан аударымдар болған жағдайда тексереді.

"Бұған дейін бұл шек 255 мың теңге болған, бірақ ұзақ талқылаудан кейін лимитті 1 миллион теңгеге дейін көтеру туралы шешім қабылданды", – деді Біржанов.

Сонымен қатар, 100-ден астам аударым алған азаматтар да салық органдарының бақылауына алынуы мүмкін.

Бұл өзгерістер бизнес пен жеке тұлғалардың мобильді төлемдерін нақты ажырату мақсатында енгізіліп отыр.

Жаңа ережелер ресми кәсіпкерлік шоттарына қолданылмайды.

Мобильді аударым Қазақстан