Қазақстанда жабық трассалардан 200 жолаушы пойызбен эвакуацияланады

Қазақстанда қолайсыз ауа райы салдарынан жабылған трассалардан шамамен 200 жолаушыны пойызбен эвакуациялау ұйымдастырылды, деп хабарлайды POLITICO.KZ.

"Пассажирские перевозки" акционерлік қоғамының мәліметінше, 3 қаңтар күні Астана–Қарағанды және Астана–Павлодар бағыттарындағы жабық жол учаскелерінде қалған жолаушыларды эвакуациялау үшін арнайы пойыздар жіберілді.

Сарыбел станциясынан (Қарағанды мен Астана бағыттары бойынша):

• №327 Қарағанды–Қостанай,
• №43 Алматы–Қостанай,
• №121 Семей–Астана,
• №45 Түркістан–Павлодар,
• №44 Қостанай–Алматы,
• №6858 Астана–Қарағанды,
• №7556 Астана–Қарағанды,
• №108 Астана–Жезқазған,
• №145 Қарағанды–Омбы.

Павлодар және Ерейментау станцияларынан (Астана бағыты бойынша):

• №7501 Павлодар–Астана,
• №7509 Павлодар–Астана,
• №139 Павлодар–Пресногорьковская.

Компания өкілдері жолаушылардың қауіпсіздігін қамтамасыз ету мақсатында барлық шаралар қабылданып жатқанын мәлімдеді. Ұлттық тасымалдаушы азаматтарды алыс сапарлардан бас тартуға және қауіпсіздік ережелерін сақтауға шақырды.