Қазақстанның батыс өңірлерінде алғашқы қар жауды

Қазақстанда биылғы күздің алғашқы қары жауды, деп хабарлайды Politico.kz.

Ақтөбе облысы мен еліміздің батысындағы бірқатар аудандарда қар жауып, әлеуметтік желілерде ақ ұлпа басқан көшелер мен жолдардың видеолары тарай бастады.

Әсіресе Ақтөбе облысының Хромтау және Мәртөк аудандарында қар қалыңырақ түскен. Жергілікті тұрғындар жариялаған кадрлардан жолдар мен аулалардың біртіндеп ақ көрпеге оранғанын көруге болады.

Синоптиктердің болжамынша, өңірде ауа райы әлі де құбылмалы болады. Жаңбыр мен қар түріндегі мол жауын-шашын күтіледі. Солтүстік-батыс және батыстан соққан желдің екпіні кей жерлерде секундына 15-20 метрге дейін жетуі мүмкін.

Ауа райының нашарлауына байланысты полиция жүргізушілерді жолда барынша сақ болуға шақырды. Температураның төмендеуінен жол бетінде көктайғақ пайда болуы ықтимал.

«Өз көлігіне неге осылай жазбайды?»: Ыбықты Сайда жартасқа жазу жазған ер адам жұрттың ашуын туғызды

«Эмоцияға беріліп кеттім»: Қордайда оқушысын аяусыз ұрып соққан мұғалім қамауға алынды

ауа райы Ақтөбе oблысы Ескерту Полиция синоптиктер қар

Қазақстанның батыс өңірлерінде алғашқы қар жауды

Қазақстанда биылғы күздің алғашқы қары жауды, деп хабарлайды Politico.kz.

Соңғы жаңалықтар