Қостанай облысында күйеуімен жанжалдасқан әйел орманға барып адасып кеткен

Қостанай облысында әйел адам күйеуімен ренжісіп қалғаннан кейін орманға барып, адасып кеткен. Оны құтқарушылар, полицейлер мен еріктілер жаппай іздеген, деп хабарлайды Politico.kz.

Бүгін түнде Әулиекөл ауданы Бағаналы ауылының маңында құтқарушылар жоғалған әйелді іздеуге кірісті. Күйеуімен болған жанжалдан кейін 1981 жылғы әйел адам орманға кетіп, адасып кетті, – делінген облыстық ТЖД хабарламада.

Жоғалған адамды ТЖД, полиция қызметкерлері, сондай-ақ еріктілер іздеді. Құтқарушылар іздеу иттерін тартты, ұшқышсыз ұшу аппараттары мен тікұшақты пайдаланды.