Қырғызстан Қазақстанмен шекарадағы жермен алмасуды ұсынды

Қырғызстан Қазақстанға шекарадағы жер учаскелерімен өзара алмасуды ұсынды, деп хабарлайды Politico.kz.

Бұл туралы Қырғызстан президентінің баспасөз хатшысы Аскат Алагозов өзінің әлеуметтік желідегі парақшасында жазды.

Ұсыныс Қырғызстанның Тоқмақ қаласының маңындағы 800 метрлік жол учаскесіне қатысты болып отыр. 

Қырғызстан 150 км ақылы тас жол салу үшін учаскелерді алмастырғысы келеді.

Ақылы жолды Бішкектегі Алматы көшесінен Кеминге дейін салу жоспарланып отыр. Жолдың жалпы ұзындығы - 150 шақырым. Ал алмасуға ұсынылған Токмоктағы жер учаскесі  800 метрді құрайды. 

«Мұндай мәселелер саяси спекуляцияның тақырыбына айналмауы тиіс», - дейді Аскат Алагозов.