Қытайдың маркетплейстері: арзан, бірақ қауіпті

Еуроодақ Temu мен Shein сияқты қытайлық маркетплейстерге шектеу қоюды жоспарлап отыр. Бұл туралы Financial Times хабарлады. 2024 жылы Еуропаға 4 миллиард арзан сәлемдеме жеткізілген, бұл пошта инфрақұрылымына үлкен салмақ түсірді. Амстердам әуежайы мен Роттердам теңіз порты күніне 3,5 миллионнан астам сәлемдеме өңдеуде, деп хабарлайды POLITICO.KZ.

Негізгі мәселелер:

• Контрафактілік және қауіпті тауарлар ағыны.
• Өндіруші туралы ақпараттың жоқтығы.
• Еуропа нарығындағы әділетсіз бәсеке.

Қазақстанға әсері:
Temu мен Shein Қазақстан нарығына да белсенді кіріп жатыр. Олардың сапасыз ойыншықтар, техника, киім-кешек сияқты тауарлары үлкен сұранысқа ие. Бірақ бұл өнімдер сертификатталмаған, сондықтан тұтынушылардың денсаулығына қауіп төндіруі мүмкін.

Қазақстан үкіметіне тез әрекет етіп, азаматтарды қауіпті тауарлардан қорғау қажет. Қазірден бастап тиімді шаралар қабылдамаса, бұл мәселе ел экономикасы мен қауіпсіздігіне кері әсер етуі мүмкін.