Ресей шетелдіктерге арналған жаңа ережелерді жариялады

ЕАЭО азаматтарына да Ресейде медициналық тексеруден өту талабы қойылды.

Ресейге кіретін және елде ұзақ уақыт тұратын барлық шетелдіктер міндетті медициналық тексеруден өтуі тиіс. Бұл туралы РИА Новости Ресей ІІМ материалдарына сілтеме жасап мәлімдеді, деп хабарлайды POLITICO.KZ.

Жаңа талаптар Еуразиялық экономикалық одақ (ЕАЭО) елдерінің азаматтарына да қолданылады, сапар мақсатына қарамастан.

Шетелдіктер жыл сайын қауіпті аурулардың жоқтығын дәлелдеп отыруы керек. Егер адамнан қоғамдық қауіп төндіретін ауру анықталса, оны Ресейден шығарып жіберіп, қайта кіруге тыйым салуы мүмкін.

Алайда бұл талап Ресейге 3 айға дейін келетін туристерге қолданылмайды. Туристік сапарлар үшін медициналық тексеру қажет емес.

Жаңа ережелер Ресейде ұзақ мерзімді тұруды жоспарлаған шетелдіктердің барлығына қатысты енгізілуде.

Ресей