Семей қаласының жаңа әкімі тағайындалды

Семей қаласының жаңа әкімі болып Талғат Мұратов тағайындалды, деп хабарлайды POLITICO.KZ.

Талғат Мұратов бұған дейін Абай облысындағы Бесқарағай ауданының әкімі қызметін атқарған. Семей қаласының әкімі ретінде ол Нұрбол Нұрсағатовтың орнын басты. Нұрсағатов бұл қызметті 2022 жылдың қазан айынан бері атқарып келген.

Семей қаласының әкімі болып Талғат Мұратовты тағайындау туралы шешім 23 желтоқсан күні өткен қалалық мәслихаттың кезектен тыс сессиясында жария етілді.

Айта кетейік, Талғат Мұратов Бесқарағай ауданының әкімі лауазымын да 2022 жылдың қазан айынан бастап атқарған. Бүгін, 23 желтоқсанда, Бесқарағай ауданының жаңа әкімі болып Нұрбек Қошқарбаев тағайындалғаны белгілі болды.