Шығыс Қазақстанда қар көшкіні жүруі мүмкін

ШҚО Төтенше жағдайлар департаменті өңір бойынша 325 учаскеде қар көшкіні жүруі мүмкін екенін ескертті, деп хабарлайды Politico.kz.

«Сол учаскелердің бойында 93 шақырым жол мен түрлі ғимараттар орналасқан. Егер көшкін жүрсе, тұрғындардың өміріне қауіп төнуі мүмкін. Сондықтан 112 қызметінен ескертулер жасалса, қауіп-қатерден аулақ болыңыздар және қар көшкіні қаупі бар жолдармен жүрмеңіздер», – деп ескертті құтқарушылар.

Айта кетейік, облыс бойынша қар көшкіні қаупі бар кезең сәуір айына дейін созылады. Осы аралықта көпшілік тауға шықпас бұрын ауа райы жағдайын қатаң ескеруі қажет.

Төтенше жағдайлар министрлігі Шығыс Қазақстан облысы қар көшкіні