Шығыс Қазақстанда жүргізуші автобус айдап келе жатып көз жұмды

Жолаушылар автобусын тізгіндеген жүргізуші жолда келе жатып жан тапсырған, деп хабарлайды Politico.kz.

Шығыс Қазақстан облыстық полиция департаментінің мәліметінше, 57 жастағы жүргізушінің жағдайы күрт нашарлап кеткен. Оны көрген екінші жүргізуші дереу жедел жәрдем қызметін шақырған. Алайда, дәрігерлер келгенге дейін ер адам қайтыс болды.

Қазіргі уақытта оқиғаның нақты себебін анықтау үшін сот-медициналық сараптама тағайындалған.

Жолаушылардың айтуынша, жүргізуші жолға шығар алдын өзін жайсыз сезінгенін айтып, бұрын жүрегіне ота жасалғанын ескерткен.