Солтүстік Қазақстанда жол апатынан бірнеше адам көз жұмды (ВИДЕО)

«Астана – Петропавл» автожолында жантүршігерлік жол апаты болып, төрт адам көз жұмды, деп хабарлайды Politico.kz.

Солтүстік Қазақстан облыстық полицияның мәліметінше, қайғылы оқиға 8 қаңтарда болған. "Toyota Camry" және "Shacman" автокөліктері соқтығысқан.

«Жеңіл автокөліктің жүргізушісі мен оның үш жолаушысы қаза тауып, қылмыстық іс қозғалды. Алдын ала мәлімет бойынша "Toyota Camry" қарсы қозғалыс жолағына шығып кеткен», - дейді полиция.

Көлік рөлінде 24 жастағы жігіт болған. Қайтыс болған жолаушылар 64, 18 және 15 жаста болған.