Таразда 24 жастағы жігітті өлтірді деген күдікті ұсталды

Таразда бірнеше адам шабуыл жасап, пышақ жарақатынан көз жұмған 24 жастағы жігіттің өліміне қатысты күдікті ұсталды. Жамбыл облысының полиция департаменті адам өлтіру дерегі бойынша қылмыстық іс қозғалғанын Politico.kz тілшісіне растады.

Алдын ала мәліметтерге қарағанда, оқиға 3 қазанда сағат 17:00 шамасында Абай көшесіндегі үйлердің бірінің ауласында болған. Бірнеше адам жігітке пышақ жарақатын салып, қашып кеткен, ал ол оқиға орнында қайтыс болған. Куәгерлер полицияға хабарласқан.

Департаменттің хабарлауынша, полицейлер күдіктіні ізін суытпай ұстап, уақытша ұстау изоляторына қамаған.

«Қазір қажетті тергеу әрекеттері жүргізіліп жатыр. Тергеу барысы департамент басшылығының бақылауында», деп жауап берді полиция.

Бейресми ақпаратта жанжалға қыз себеп болуы мүмкін екені, марқұмның өзге біреудің сүйіктісімен сөйлескені айтылады.

Адам өлімі Жамбыл облысы Пышақтау Тараз Тергеу

Таразда 24 жастағы жігітті өлтірді деген күдікті ұсталды

Соңғы жаңалықтар