«Террористер басып алуы мүмкін»: ұшақ радардан жоғалып кетті

БАӘ-ден Израильге бағыт алған Flydubai рейсі ұшақты басып алу қаупі туралы сигнал беріп, кейін радардан жоғалып кеткен. Бұл туралы Израильдің мемлекеттік Kan теле-радиокомпаниясы мәлімдеді, деп хабарлайды Politico.kz.

Ynet басылымының мәліметінше, ұшақ бортында 174 адам, оның ішінде 27 бала болған.

БАҚ Flightradar24 сервисінің деректеріне сілтеме жасап, ұшақ Сауд Арабиясы аумағының үстінде радардан жоғалғанын хабарлады.

Кейіннен ұшақты басып алу қаупі туралы сигнал берген Flydubai рейсі Сауд Арабиясына қонған.

Израиль премьер-министрі Биньямин Нетаньяху осы оқиғаға байланысты қауіпсіздік мәселелері жөнінде кеңес өткізіп жатыр. Бұл туралы i24News телеарнасы хабарлады.

«Нетаньяху қауіпсіздік мәселелері бойынша кеңес өткізіп жатыр», – делінген телеарнаның X әлеуметтік желісіндегі хабарламасында.

БАӘ Израиль Ұшақ

«Террористер басып алуы мүмкін»: ұшақ радардан жоғалып кетті

Соңғы жаңалықтар