Түнде әлемде не болды - 1 сәуір

Түнде әлемде бірқатар маңызды оқиғалар орын алды, деп хабарлайды POLITICO.KZ.

Украинадағы сайлау мәселесі: әзірге нақты жоспар жоқ

Украина президенті Владимир Зеленскийдің сайлау өткізуге қатысты кеңес өткізбегені және ресми дайындықтың басталмағаны туралы мәлімдеді «Слуга народа» партиясының парламенттегі фракция жетекшісі Давид Арахамия. Бұл туралы украиналық БАҚ хабарлады. Бұған дейін The Economist шілде айында президенттік сайлау өтуі мүмкін екенін жазған болатын.

Израиль «Хезболлах» ұйымына соққы жасады

Израиль Қорғаныс күштерінің (ЦАХАЛ) ресми хабарламасына сәйкес, әуе күштері Бейрут қаласының оңтүстігіндегі Дахия ауданында орналасқан «Хезболлах» ұйымының маңызды нысандарына әуеден соққы жасады. Аталған аудан – шииттік топтың негізгі тірек аймақтарының бірі саналады.

Қытай Тайвань маңында ауқымды әскери жаттығу бастады

Синьхуа агенттігінің хабарлауынша, Қытай Халық-Азаттық Армиясының Шығыс әскери аймағы Тайвань төңірегінде кең ауқымды әскери оқу-жаттығуларын бастады. Жаттығуларға құрлықтағы, теңіздегі және әуедегі күштер қатысып жатыр. Ресми мәлімдемеде жаттығудың негізгі мақсаты – стратегиялық аудандарды оқшаулау, ұрыс кезіндегі патрульдеу және теңіз бен құрлықтағы нысаналарға соққы жасау.